हेल्मेटभित्र लुकाइएको साढे ८ लाख रुपैयाँसहित एकजना पक्राउ

अनलाइन नेपाल

शनिवार , कार्तिक १, २०८२

हेल्मेटभित्र लुकाइएको साढे ८ लाख रुपैयाँसहित एकजना पक्राउ

विराटनगर । हेल्मेटभित्र लुकाएर ल्याइएको करिब साढे ८ लाख रुपैयाँसहित एक व्यक्ति विराटनगरबाट पक्राउ परेका छन् । मोरङ प्रहरीले शनिबार दिउँसो विराटनगर महानगरपालिका–१२ सैनिक टोलबाट ८ लाख ४७ हजार रुपैयाँ बरामद गरेको हो ।

इलाका प्रहरी कार्यालय रानीबाट खटिएको टोलीले दिउँसो करिब १ बजेतिर भारतीय नम्बर प्लेट (बीआर ३८ भी ३३२८) भएको मोटरसाइकल रोकेर चेकजाँच गर्दा रकम फेला परेको मोरङ प्रहरी प्रमुख एसपी कवित कटवालले जानकारी दिए ।

उनका अनुसार मोटरसाइकल चालक मोरङको जहदा गाउँपालिका–७ का ४६ वर्षीय नवीन साहले लगाएको हेल्मेटभित्र उक्त रकम लुकाएर ल्याइरहेका थिए।

प्रहरीले साहको हेल्मेटबाट १ हजार दरका ८ सय, ५ सय दरका ५१, १ सय दरका १ सय ४६ र ५० दरका १ सय २ थान नेपाली नोट बरामद गरेको जनाएको छ।

साहले बरामद रकमको स्रोत खुलाउन नसकेपछि प्रहरीले उनलाई नियन्त्रणमा लिएको हो । प्रहरीको प्रारम्भिक अनुमान अनुसार बरामद रकम अवैध हुण्डी कारोबारसँग सम्बन्धित हुनसक्ने आशंका गरिएको छ ।

पक्राउ परेका साह, बरामद रकम र मोटरसाइकल अहिले इलाका प्रहरी कार्यालय रानीमा राखिएको र इन्स्पेक्टर कवीन राईको नेतृत्वमा थप अनुसन्धान जारी रहेको प्रहरीले जनाएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

हेल्मेटभित्र लुकाइएको साढे ८ लाख रुपैयाँसहित एकजना पक्राउ