रास्वपाको विस्तारित बैठक एक हप्तापछि सर्‍यो

अनलाइन नेपाल

आइतवार , कार्तिक २, २०८२

रास्वपाको विस्तारित बैठक एक हप्तापछि सर्‍यो

काठमाडौं । राष्ट्रिय स्वतन्त्र पार्टी (रास्वपा) ले आफ्नो केन्द्रीय समितिको विस्तारित बैठक एक हप्ताका लागि स्थगित गरेको छ ।

पार्टीले शान्ति–सुरक्षासम्बन्धी सम्भावित चुनौतीलाई कारण देखाउँदै पूर्वनिर्धारित बैठक अब २०८२ कात्तिक २१ र २२ गते गर्ने निर्णय गरेको हो।

शनिबार साँझ बसेको पार्टी केन्द्रीय समितिको भर्चुअल बैठकले बैठक स्थगित गर्ने निर्णय गरेको प्रवक्ता मनिष झाले जानकारी दिए।

उनका अनुसार, विस्तारित बैठकका लागि प्रस्तावित स्थान नजिकै एकादशी मेला लाग्ने भएकाले शान्ति–सुरक्षामा चुनौती हुन सक्ने जानकारी प्राप्त भएपछि बैठक सारिएको हो ।

रास्वपाले भने बैठक कहाँ गर्ने भन्ने स्थान हालसम्म सार्वजनिक गरेको छैन।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रास्वपाको विस्तारित बैठक एक हप्तापछि सर्‍यो