विराटनगर। मोरङमा ठुलो परिमाणमा गाँजा बोकेको ट्रकसहित दुई जना पक्राउ परेका छन्।
जिल्लाको रतुवामाई नगरपालिका १ बाट ६७८ किलो गाँजा बोकेको ट्रकसहित दुई जना पक्राउ परेका हुन् ।
पक्राउ पर्नेमा ट्रक चालक धनकुटा सहिदभूमि गाउँपालिका २ का समेल राई र सोही ट्रकमा यात्रारत सहिदभूमि गाउँपालिका १ का विक्रम विशुङ्खे रहेका छन् ।
२१ मंसिरमा विशेष सूचनाका आधारमा इलाका प्रहरी कार्यालय सिजुवाबाट खटिएको टोलीले प्र.१-०१-००१ख ३८२५ नम्बरको ट्रकलाई जाँच गर्दा फल्स डाला जोडेर ६७८ किलो गाँजा बरामद गरेको थियो।
उनीलाई नियन्त्रण लिई थप अनुसन्धान भइरहेको प्रहरीले जनाएको छ।