Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , पौष १७, २०८२
काठमाडौं । नेपाली कांग्रेसका महामन्त्रीद्वय गगनकुमार थापा र विश्वप्रकाश शर्माले विशेष महाधिवेशनको तयारी तिव्र पारेका छन् ।
आगामी पुस २६ गतेबाट पार्टीको १५औँ महाधिवेशन गर्ने घोषणा भएको थियो । तर घोषित मितिमा नियमित महाधिवेशन नहुने भएसँगै महामन्त्रीद्वय विशेष महाधिवेशनका लागि लागेका हुन् । त्यसका लागि काठमाडौंको प्रदर्शनीमार्थस्थित भृकुटीमण्डपमा दुई दिनका लागि हल बुकिङ गरिएको छ।
भृकुटीमण्डपस्थित प्रदर्शनी हल बुकिङ गरिएको कांग्रेस केन्द्रीय सदस्य प्रतिमा गौतमले जानकारी दिइन् । उनका अनुसार आगामी पुस २७ र २८ गते विशेष महाधिवेशन आयोजना हुनेछ ।
नेपाली कांग्रेसको विधानमा अघिल्लो महाधिवेशनका ४० प्रतिशत प्रतिनिधिले हस्ताक्षरसहित माग गरेमा विशेष महाधिवेशन बोलाउनु पर्ने व्यवस्था रहेको छ । तर यसअघि नै ५४ प्रतिशत भन्दा बढी महाधिवेशन प्रतिनिधिहरुले हस्ताक्षरसहित पार्टी नेतृत्वसँग विशेष महाधिवेशनको माग गरिसकेका छन् । गत असोज २९ गते नै विशेष महाधिवेशन पक्षधरले कार्यवाहक सभापति पूर्णबहादुर खड्का समक्ष ५४ प्रतिशत भन्दा बढी महाधिवेशन प्रतिनिधिहरुको हस्ताक्षर बुझाइएको थियो ।
यता महामन्त्रीद्वय थापा र शर्माले पार्टीको नियमित महाधिवेशन गर्ने तर नियमित महाधिवेशन सम्भव नभएमा विशेष महाधिवेशन गर्ने बताएका थिए । सो अनुसार गत मंसिर १५ गते सम्पन्न कांग्रेसको केन्द्रीय समिति बैठकले आगामी पुस २६, २७ र २८ गते केन्द्रीय महाधिवेशन गर्ने मिति तय गरेको थियो । जसअनुसार पुस १६ गते गाउँ, वडा र नगर अधिवेशनको मिति तोकिएको थियो । तर तोकिएको मिति अनुसार विशेष महाधिवेशनको कार्यतालिका अघि नबढेपछि विशेष महाधिवेशन गर्न लागिएको हो ।
यसबारे महामन्त्रीद्वय थापा र शर्माले पनि सभापति देउवालाई भेटेर ध्यानाकर्षण गराउने तयारी समेत गरेका छन्।
तर, सभापति शेरबहादुर देउवा र कार्यवाहक सभापति भने विशेष महाधिवेशन सम्भव नभएको प्रतिक्रिया दिँदै आइरहेका छन् । देउवाले यसअघि नै आगामी प्रतिनिधि सभा निर्वाचनमा असर पर्ने भन्दै विशेष महाधिवेशन हुँदैन नियमित गर्ने भए सबै मिलेर अगााड बढ्न भनि सकेका छन् ।
© 2026 All right reserved to onlinenepal.com
Design & Developed By
