विशेष महाधिवेशन हुन्छ, कांग्रेस फुट्दैन : विश्वप्रकाश शर्मा

अनलाइन नेपाल

बिहिवार , पौष २४, २०८२

विशेष महाधिवेशन हुन्छ, कांग्रेस फुट्दैन : विश्वप्रकाश शर्मा

काठमाडौं । नेपाली कांग्रेसका महामन्त्री विश्वप्रकाश शर्माले विशेष महाधिवेशनका कारण पार्टी विभाजन हुने आशंका पूर्ण रूपमा अस्वीकार गरेका छन् ।

उनले पुस २७ र २८ गते काठमाडौंमा आह्वान गरिएको विशेष महाधिवेशनबाट पार्टी विभाजनको अवस्था आए आफू सबैभन्दा पहिला अधिवेशन हलबाट बाहिरिने स्पष्ट घोषणा गरेका छन् ।

विशेष महाधिवेशनलाई लिएर कांग्रेसभित्र विवाद चर्किँदै गएको सन्दर्भमा महामन्त्री शर्माले सामाजिक सञ्जाल फेसबुकमार्फत आफ्नो धारणा सार्वजनिक गरेका हुन् । उनले उठाइएका प्रश्नहरूको जवाफ दिँदै लेखेका छन्, 'विशेष महाधिवेशन हुन्छ, पार्टी विभाजित हुँदैन। यदि त्यस्तो हुन लागे अधिवेशनको हलबाट सबैभन्दा पहिला म बाहिर निस्कनेछु।’

यसअघि नै पुस २७ र २८ गते काठमाडौंमा दोस्रो विशेष महाधिवेशन आयोजना गर्ने विषयमा पत्रकार सम्मेलनमार्फत औपचारिक आह्वान भइसकेको छ। उक्त महाधिवेशनमा महामन्त्रीद्वय विश्वप्रकाश शर्मा र गगन थापा सहभागी हुने घोषणा गरिसकेका छन्।

कांग्रेसभित्र सभापति शेरबहादुर देउवा पक्ष विशेष महाधिवेशन नगर्ने पक्षमा देखिएको छ भने महामन्त्रीद्वय थापा–शर्मा पक्षले भने जेनजी आन्दोलनपछिको बद्लिँदो राजनीतिक परिस्थितिमा विशेष महाधिवेशन अपरिहार्य भएको दाबी गर्दै आएका छन्।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

विशेष महाधिवेशन हुन्छ, कांग्रेस फुट्दैन : विश्वप्रकाश शर्मा