एमालेको समानुपातिक सूचीबाट पाँच जनाले लिए उम्मेदवारी फिर्ता, स्थान पूर्तिका लागि आयोगको पत्र

अनलाइन नेपाल

बुधवार , पौष ३०, २०८२

एमालेको समानुपातिक सूचीबाट पाँच जनाले लिए उम्मेदवारी फिर्ता, स्थान पूर्तिका लागि आयोगको पत्र

काठमाडौं । नेकपा एमालेको समानुपातिक बन्दसूचीबाट पाँच जनाले उम्मेदवारी फिर्ता लिएका छन् ।

उम्मेदवारी फिर्ता लिनेमा पाल्पाकी हिरुसरा राना, नुवाकोटका विजय लोप्चन तामाङ, रौतहटकी अंशु झा, सोलुखुम्बुका डुफकुमार बास्तोला र बझाङका लालबहादुर रावल रहेका छन् ।

उम्मेदवारी फिर्ता लिएपछि रिक्त रहेको स्थान पूर्ति गर्नका लागि निर्वाचन आयोगले पार्टीसँग माग गरेको छ ।

आयोगले रिक्त स्थान पूर्तिका लागि माघ २ गते कार्यालय समयभित्र नाम र आवश्यक विवरण बुझाउन समय दिएको छ ।

समानुपातिकसहित सबै उम्मेदवारी टुंगो लगाउने जिम्मेवारी पार्टी अध्यक्ष केपी शर्मा ओलीलाई दिइएको छ । त्यसैले रिक्त स्थानमा राखिने नयाँ उम्मेदवारको निर्णय पनि अध्यक्ष ओलीले नै गर्नेछन् ।

एमालेले रिक्त स्थान पूर्ति गर्नुपर्ने नाम र विवरण शुक्रबार निर्वाचन आयोगमा बुझाउने जनाएको छ ।

यसअघि पनि समानुपातिक सूचीमा रहेका झापाका सोमनाथ पोर्तेल र कैलालीकी लीलाकुमारी भण्डारी राष्ट्रियसभा उम्मेदवार बनेपछि उनीहरूको नाम सूचीबाट हटाइएको थियो ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

एमालेको समानुपातिक सूचीबाट पाँच जनाले लिए उम्मेदवारी फिर्ता, स्थान पूर्तिका लागि आयोगको पत्र