Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
बिहिवार , माघ १, २०८२
काठमाडौं । नेपाली कांग्रेसको वैधानिक नेतृत्व आफूहरू नै भएको दाबी गर्दै गगन थापा पक्ष आज निर्वाचन आयोगमा जाँदैछ ।
बुधबार मध्यरातमा सम्पन्न विशेष महाधिवेशनले थापालाई सभापति निर्वाचित गर्दै केन्द्रीय कार्यसमिति चयन गरेको थियो ।
विशेष महाधिवेशनबाट महामन्त्री चुनिएका गुरुराज घिमिरेले पार्टीको विवरण अद्यावधिक गर्न निर्वाचन आयोगमा जाने तयारी भइरहेको बताए। विशेष महाधिवेशन पक्षले पार्टीको विधानअनुसार विशेष महाधिवेशन भइरहेको र शेरबहादुर देउवा नेतृत्वको कार्य समिति भंग भएको लिखित जानकारी मंगलबार नै आयोगमा गराइसकेको थियो ।
त्यसको भोलिपल्ट शेरबहादुर देउवा पक्षले गगन थापा र विश्वप्रकाश शर्मा निष्कासनमा परेको विवरण आयोगमा पठाएको थियो ।
उता, विशेष महाधिवेशनबाट निर्वाचित कांग्रेस केन्द्रीय समितिको पहिलो बैठक अहिले ललितपुरको कुपण्डोलस्थित म्याक्सिम्स बैंक्वेटमा बसेको छ ।
गगन थापाको नेतृत्वमा निर्वाचित केन्द्रीय समितिको यो पहिलो बैठक हो । नयाँ नेतृत्वको पहिलो बैठक भएकाले पार्टीको आगामी दिशा, संगठन व्यवस्थापन र समसामयिक राजनीतिक विषयमा छलफल हुने अपेक्षा गरिएको छ ।
© 2026 All right reserved to onlinenepal.com
Design & Developed By
