रुपन्देहीमा स्कुल बस–ट्याक्टर ठोक्किँदा २२ विद्यार्थी घाइते

अनलाइन नेपाल

मंगलवार , माघ २०, २०८२

रुपन्देहीमा स्कुल बस–ट्याक्टर ठोक्किँदा २२ विद्यार्थी घाइते

रुपन्देही । रुपन्देहीमा स्कुल बस र धान बोकेको ट्याक्टर आपसमा ठोक्किँदा २२ जना विद्यार्थी घाइते भएका छन् । दुर्घटना जिल्लाको ओमसतिया गाउँपालिका क्षेत्रमा आज बिहान करिब ६ः३० बजे भएको हो ।

जिल्ला प्रहरी कार्यालय रुपन्देहीका अनुसार नवलपरासीबाट भैरहवातर्फ आउँदै गरेको लु१ख ८६७५ नम्बरको स्कुल बस र लु३त ३५३० नम्बरको ट्याक्टर ठोक्किँदा दुर्घटना भएको हो। दुर्घटनामा घाइते २२ जनामध्ये दुई जनाको टाउकोमा चोट लागेको छ भने बाँकी सामान्य घाइते रहेको प्रहरीले जनाएको छ।

प्रहरीका अनुसार घाइतेमध्ये ११ जनाको युनिभर्सल मेडिकल कलेज भैरहवामा र बाँकीको भीम अस्पताल भैरहवामा उपचार भइरहेको छ। घाइते सबै मणिग्रामस्थित शान्ति नमूना माध्यमिक विद्यालयमा कक्षा ११ र १२ मा अध्ययनरत विद्यार्थी रहेका छन्।

दुर्घटनापछि दुवै सवारीका चालकलाई नियन्त्रणमा लिई घटनाबारे थप अनुसन्धान भइरहेको जिल्ला प्रहरीले जनाएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रुपन्देहीमा स्कुल बस–ट्याक्टर ठोक्किँदा २२ विद्यार्थी घाइते