Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
सोमवार , फाल्गुण ४, २०८२
कास्की । गैरकानूनी रूपमा चन्दा संकलन गरेको आरोपमा प्रहरीले कास्कीबाट दुई जनालाई पक्राउ गरेको छ ।
पक्राउ पर्नेमा ‘नेकपा बहुमत’का केन्द्रीय सदस्य ३२ वर्षीय ‘अग्नि’ भनिने लक्ष्मण पाण्डे र सोही पार्टीका कास्की जिल्ला सेक्रेटरी ३७ वर्षीय भीमसेन परियार रहेका छन्।
पाण्डे तनहुँको व्यास नगरपालिका–१३ छाब्दीका स्थायी बासिन्दा हुन् भने परियार कास्कीको माछापुच्छ्रे गाउँपालिका–२ का हुन् ।
निर्वाचनलाई लक्षित गरी विभिन्न स्थानमा चन्दा संकलन भइरहेको गोप्य सूचनाका आधारमा नेपाल प्रहरी प्रदेश कार्यालय पोखरा र जिल्ला प्रहरी कार्यालय कास्कीको संयुक्त टोलीले उनीहरूलाई फागुन ३ गते नियन्त्रणमा लिएको जिल्ला प्रहरी कार्यालय कास्कीले जनाएको छ ।
प्रहरीले उनीहरूको साथबाट चन्दा संकलनमा प्रयोग भएका विभिन्न कागजात तथा नगद रकम समेत बरामद गरेको जनाएको छ।
प्रहरीले उनीहरूमाथि चन्दा ऐन सम्बन्धी कसूरमा मुद्दा दर्ता गरी अनुसन्धान अगाडि बढाएको छ। कास्की जिल्ला अदालतबाट पाँच दिनको म्याद थप गरी घटनाबारे विस्तृत छानबिन भइरहेको डीएसपी हरीबहादुर बस्नेतले जानकारी दिए ।
© 2026 All right reserved to onlinenepal.com
Design & Developed By
