Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
सोमवार , फाल्गुण ४, २०८२
बारा । कारागार तोडेर फरार रहेका एक अभियुक्त चोरी गर्दागर्दै पक्राउ परेका छन् ।
जिल्ला प्रहरी कार्यालय बारा मातहत इलाका प्रहरी कार्यालय प्रसौनीबाट खटिएको प्रहरी टोलीले प्रसौनी गाउँपालिका–१ स्थित विश्वकर्मा मेटल इन्डस्ट्रिजबाट तामाको तार चोरी गर्ने क्रममा २६ वर्षीय विशाल मुखियालाई पक्राउ गरेको हो ।
प्रहरीका अनुसार मुखिया किर्ते तथा डाका मुद्दामा मकवानपुर जिल्ला अदालतबाट पाँच वर्ष ६ महिना कैद र एक लाख रुपैयाँ जरिवाना सजाय तोकिएका व्यक्ति हुन् ।
उनी मकवानपुरस्थित भिमफेदी कारागारमा कैद भुक्तान गरिरहेका बेला भदौ २४ गते कारागार तोडी फरार भएका थिए।
फरार अभियुक्तको खोजतलास गर्ने क्रममा फागुन ४ गते उनलाई चोरी गर्दै पक्राउ गरिएको प्रहरीले जनाएको छ।
पक्राउपछि बारा जिल्ला अदालतबाट चोरी मुद्दामा सात दिनको म्याद थप गरी अनुसन्धान अगाडि बढाइएको प्रहरीले जानकारी दिएको छ।
© 2026 All right reserved to onlinenepal.com
Design & Developed By
