Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , फाल्गुण २४, २०८२
काठमाडौं । देशभर राष्ट्रिय स्वतन्त्र पार्टी (रास्वपा) ले अभूतपूर्व सफलता हासिल गरिरहँदा भावी प्रधानमन्त्रीका रूपमा चर्चामा रहेका बालेन शाहका विश्वासपात्र भुपदेव शाह भने अछाममा हारको संघारमा पुगेका छन् ।
अछाम क्षेत्र नम्बर २ बाट प्रतिनिधिसभा सदस्यका उम्मेदवार बनेका भुपदेव मतगणना अन्तिम चरणमा पुग्दा चौथो स्थानमा सीमित भएका छन् ।
पछिल्लो मतपरिणामअनुसार नेकपा एमालेका उम्मेदवार यज्ञ बोगटी ९ हजार ४३१ मतसहित अग्रस्थानमा छन् । उनका निकटतम प्रतिस्पर्धी नेपाली कांग्रेसका पुष्प बहादुर शाहले ८ हजार ९७२ मत ल्याएका छन् ।
तेस्रो स्थानमा नेकपाका बल बहादुर कुँवर ६ हजार २३९ मतसहित रहेका छन् भने रास्वपाका भुपदेवले ४ हजार ५२६ मत प्राप्त गर्दै चौथो स्थानमा रहेका छन् ।
भुपदेव यसअघि तत्कालिन काठमाडौं महानगरपालिकामा मेयर बालेन शाहका स्वकीय सचिवका रूपमा कार्यरत थिए ।
महानगरको जिम्मेवारीबाट बाहिरिएर उनले अछाम–२ बाट उम्मेदवारी दिएका थिए । उनको चुनावी अभियानमा सहयोग गर्न बालेन स्वयं अछाम पुगेका थिए ।
देशभर देखिएको ‘घन्टी’ चुनाव चिह्नको लहरले अछामलाई भने खासै छुन सकेन । अछाम–१ मा नेपाली कांग्रेसका उम्मेदवारले जित हासिल गर्दा रास्वपाका ओमप्रकाश रावल १ हजार ७३९ मतसहित चौथो स्थानमा सीमित भए।
यद्यपि बालेनसँग निकट रहेका अन्य उम्मेदवारहरूले भने देशका विभिन्न क्षेत्रमा उल्लेखनीय सफलता हासिल गरेका छन्।
© 2026 All right reserved to onlinenepal.com
Design & Developed By
