चितवनमा तीन सवारीसाधन एकआपसमा ठोक्किए, १५ जना घाइते

अनलाइन नेपाल

शनिवार , चैत्र २१, २०८२

चितवन । चितवनको भरतपुर महानगरपालिका आँपटारीमा तीन सवारीसाधन एकआपसमा ठोक्किँदा १५ जना घाइते भएका छन् ।

जिल्ला प्रहरी कार्यालय चितवनका अनुसार बस, बुलेरो र टेम्पो एकआपसमा ठोक्किएका हुन् ।

मुग्लिनबाट नारायणगढतर्फ आउँदै गरेको ग१ख ९९२५ नम्बरको बस र विपरीत दिशाबाट जाँदै गरेको लु१च ८५५२ नम्बरको बुलेरो एकापसमा ठक्कर खाएका थिए ।

बुलेरोको पछाडि रहेको अटो बुलेरोसँग ठोक्किएको थियो । घाइतेमध्ये १४ जना बसमा सवार थिए भने एक जना अटो चालक रहेको प्रहरीले जनाएको छ ।

उनीहरूमध्ये सात जनाको भरतपुर अस्पतालमा, चार जनाको चितवन मेडिकल कलेजमा र चार जनाको नेस्नल सिटी अस्पतालमा उपचार भइरहेको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

६ दिनदेखि बेपत्ता दावा हिउँमा घिस्रिँदै थिए