Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार , जेठ ५, २०८३
काठमाडौं । राष्ट्रिय स्वतन्त्र पार्टी (रास्वपा)का सांसदहरूले प्रस्तावित प्रधानन्यायाधीश डा.मनोजकुमार शर्माको संसदीय सुनुवाइ प्रक्रियालाई थप विलम्ब नगरी वस्तुनिष्ठ ढङगले चाडो अगाडि बढाउन माग गरेका छन् ।
मंगलबार बसेको संसदीय सुनुवाइ समितिको बैठकमा रास्वपाका प्रमुख सचेतक कविन्द्र बुर्लाकोटीसहित सांसदहरू डा। लेखजंग थापा र राजीव खत्रीले सुनुवाइ प्रक्रियालाई प्रभावकारी बनाउन माग गरेका गरेका हुन् ।
बैठकमा बोल्दै प्रमुख सचेतक बुर्लाकोटीले कार्यतालिकाअनुसार उजुरीकर्तासँगको छलफल र प्रस्तावित प्रधानन्यायाधीशको कार्ययोजना सुन्ने कामलाई तीव्रता दिनुपर्ने बताए ।
उनले भने- 'हामी सबैको समय व्यस्त छ, त्यसैले समयको सदुपयोग गर्दै आजै उजुरीकर्ताहरूसँगको छलफल र कार्ययोजना सुन्ने काम अगाडि बढाऔँ ।'
यसैगरी सांसद डा. लेखजंग थापाले प्रस्तावित पदाधिकारीहरूको कार्ययोजना कागजमा मात्रै सीमित नभई व्यवहारमा कार्यान्वयन हुनुपर्नेमा जोड दिए ।न्यायिक क्षेत्रमा गतिशीलता र संयमताबीच सन्तुलन आवश्यक रहेको उल्लेख गर्दै थापाले युवा पुस्तामा छिटो काम गर्ने चाहना भए पनि निर्णय प्रक्रियामा परिपक्वता र सन्तुलन जरुरी हुने बताए । उनले संसदीय सुनुवाइ समितिलाई दलीय घेराभन्दा माथि उठेर वस्तुनिष्ठ निर्णय लिन आग्रह गरे ।
यस्तै सांसद राजीव खत्रीले पनि संसदीय सुनुवाइ समितिको कामलाई ‘फास्ट ट्र्याक’मा अघि बढाउनुपर्ने आवश्यकता औँल्याए । उनले उजुरीकर्तासँगको संवाद र उजुरी अध्ययनलाई सँगसँगै लैजान सके काम छिटो र प्रभावकारी हुने बताए ।
यता विपक्षी दल नेपाली कम्युनिस्ट पार्टीका नेता वर्षमान पुनले प्रस्तावित प्रधानन्यायाधीश डा। मनोज कुमार शर्मामाथिको संसदीय सुनुवाइ एक दिन पछि सार्न माग गरेका छन् ।
संसदीय सुनुवाइ समितिको आजको बैठकमा शर्माउपर परेका उजुरी र उनका कार्ययोजना अध्ययन गर्न समय माग्दै पुनले सुनवाइ एक दिन पछि सार्न उपयुक्त हुने धारणा राखेका छन् ।
नेकपा एमालेका राष्ट्रिय सभासद् तथा संसदीय दलका नेता प्रेमप्रसाद दंगालले प्रस्तावित प्रधानन्यायाधीशको संसदीय सुनुवाइ प्रक्रियामा हतार नगर्न आग्रह गरेका छन् ।
उनले उजुरी र कार्ययोजनामाथि पर्याप्त अध्ययनका लागि समितिका सदस्यलाई समय दिनुपर्ने बताएका छन् ।
© 2026 All right reserved to onlinenepal.com
Design & Developed By
