सल्यान । सल्यानमा सामुदायिक वनभित्र लुकाई-छिपाई राखेको अवस्थामा तीन थान भरुवा बन्दुक प्रहरीले फेला पारेको छ ।
जिल्लाको बनगाड कुपिन्डे नगरपालिका- १२, चौरस्थित सिद्धगुफा सामुदायिक वनमा बेवारिसे अवस्थामा उक्त बन्दुक प्रहरीले फेला पारेको हो ।
सामुदायिक वन बेवारिसे अवस्थामा अवैध भरुवा बन्दुक रहेको गोप्य सूचनाको आधारमा खोजतलास गर्दा उक्त बन्दुक फेला परेको जिल्ला प्रहरी कार्यालय सल्यानले जनाएको छ ।
सल्यान प्रहरीका अनुसार फेला परेका बन्दुक कसले र किन त्यहाँ राखेको हो भन्ने विषयमा थप अनुसन्धान भइरहेको छ ।