चितवन । राष्ट्रिय स्वतन्त्र पार्टीको पहिलो राष्ट्रिय महाधिवेशन चितवनको भरतपुरमा भीषण वर्षाकै बीच सुरु भएको छ ।
उद्घाटन सत्र सुरु हुनै लाग्दा मुसलधारे वर्षा भए पनि महाधिवेशनको उत्साह भने रोकिएन। वर्षाकै बीच पार्टी सभापति रवि लामिछाने र प्रधानमन्त्री तथा रास्वपाका वरिष्ठ नेता बालेन शाह महाधिवेशन स्थलमा एकसाथ पुगेका थिए।
दुई शीर्ष नेताको आगमनसँगै उपस्थित हजारौँ कार्यकर्ता तथा महाधिवेशन प्रतिनिधिहरूले वर्षाको पर्वाह नगरी ताली र नारासहित भव्य स्वागत गरेका थिए।
पानी परिरहे पनि कार्यक्रमस्थलमा सहभागीहरूको उत्साह कायमै देखिएको थियो। उद्घाटन समारोहमा विभिन्न राजनीतिक दलका शीर्ष नेता, विशिष्ट अतिथि तथा देशभरबाट आएका प्रतिनिधिहरूको सहभागिता रहेको छ।