Jul 13 2026 | २०८३, आषाढ २९ गते
13 Jul 2026 | सोमवार, आषाढ २९ गते २०८३
सोमवार, आषाढ २९ गते २०८३
Jul 13 2026 | २०८३, आषाढ २९ गते
13 Jul 2026 | सोमवार, आषाढ २९ गते २०८३
आइतवार , आषाढ २८, २०८३
काठमाडौं । साविक विजेता अर्जेन्टिनाले अतिरिक्त समयमा उत्कृष्ट प्रदर्शन गर्दै स्विट्जरल्यान्डलाई ३–१ ले पराजित गरी फिफा विश्वकप–२०२६ को सेमिफाइनलमा स्थान सुरक्षित गरेको छ ।
आइतबार बिहान अमेरिकाको कान्सास सिटीमा सम्पन्न अन्तिम क्वार्टरफाइनलमा निर्धारित ९० मिनेटको खेल १–१ को बराबरीमा सकिएपछि अर्जेन्टिनाले अतिरिक्त समयमा दुई गोल थप्दै प्रभावशाली जित दर्ता गरेको हो।
अर्जेन्टिनाले खेलको १०औँ मिनेटमै अग्रता बनाएको थियो। कप्तान लियोनल मेस्सीको सटीक कर्नररपासमा एलेक्सिस म्याक एलिस्टरले शक्तिशाली हेडमार्फत गोल गर्दै टोलीलाई १–० को अग्रता दिलाए।
दोस्रो हाफमा स्विट्जरल्यान्डले उत्कृष्ट पुनरागमन गर्यो। खेलको ६७औँ मिनेटमा डान एनडोएले बराबरी गोल गर्दै खेललाई १–१ मा पुर्याए।
बराबरी गोलको केहीबेरपछि स्विट्जरल्यान्डलाई ठूलो धक्का लाग्यो। टोलीका मुख्य स्ट्राइकर ब्रेएल एम्बोलो दोस्रो पहेँलो कार्ड पाएपछि रातो कार्डसहित मैदानबाट बाहिरिए र स्विट्जरल्यान्ड १० खेलाडीमा सीमित भयो। संख्यात्मक रूपमा कमजोर बने पनि स्विट्जरल्यान्डले निर्धारित समयभर अर्जेन्टिनालाई थप गोल गर्न दिएन।
तर अतिरिक्त समयको ११२औँ मिनेटमा जुलियन अल्भारेजले पेनाल्टी क्षेत्रबाहिरबाट गरेको शक्तिशाली प्रहार सिधै जाली चुमेपछि अर्जेन्टिनाले निर्णायक २–१ को अग्रता बनायो। त्यसपछि खेलको अन्तिम समयमा लाउटारो मार्टिनेजले अर्को गोल थप्दै अर्जेन्टिनाको ३–१ को जित सुनिश्चित गरे।
यस जितसँगै अर्जेन्टिनाले सेमिफाइनलमा चिरप्रतिद्वन्द्वी इङ्ग्ल्यान्डसँग भेट पक्का गरेको छ। इङ्ग्ल्यान्डले यसअघि जुड बेलिङ्घमको दुई गोलको मद्दतमा नर्वेलाई २–१ ले हराउँदै अन्तिम चारमा स्थान बनाइसकेको छ।
सेमिफाइनलमा विश्व फुटबलका दुई चर्चित खेलाडी लियोनल मेस्सी र जुड बेलिङ्घमबीचको प्रतिस्पर्धालाई विशेष चासोका साथ हेरिएको छ। मेस्सीले यस खेलमा गोल गर्न नसके पनि दुई निर्णायक अवसर सिर्जना गर्दै अर्जेन्टिनाको जितमा महत्त्वपूर्ण योगदान दिएका थिए। अर्जेन्टिना र इङ्ग्ल्यान्डबीचको बहुप्रतीक्षित सेमिफाइनल आगामी बिहीबार हुनेछ।
© 2026 All right reserved to onlinenepal.com
Design & Developed By
