रवि लामिछाने र बालेन शाहबीच ४ घण्टा छलफल

अनलाइन नेपाल

आइतवार , आषाढ २८, २०८३

रवि लामिछाने र बालेन शाहबीच ४ घण्टा छलफल

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने र प्रधानमन्त्री बालेन शाहबीच आइतबार चार घण्टाभन्दा लामो राजनीतिक भेटवार्ता भएको छ।

प्रधानमन्त्री शाह सभापति लामिछानेलाई भेट्न बूढानीलकण्ठस्थित उनको निजी निवास पुगेका थिए। बिहान करिब ११:१५ बजे सुरु भएको भेटवार्ता दिउँसो ३:१५ बजे सम्पन्न भएको स्रोतले जनाएको छ।

स्रोतका अनुसार भेटमा समसामयिक राजनीतिक घटनाक्रम, सरकारका प्राथमिकता र पार्टी संगठनसँग सम्बन्धित विषयमा विस्तृत छलफल भएको थियो।

विशेषगरी सुकुमवासी समस्या समाधान, सरकारका आगामी कदम तथा रास्वपाको हालै सम्पन्न पहिलो महाधिवेशनपछि बाँकी रहेका ११ पदाधिकारी र ५१ केन्द्रीय सदस्य मनोनयनबारे दुई नेताबीच विचार–विमर्श भएको बताइएको छ।

साथै, प्रधानमन्त्री शाहलाई रास्वपाको वरिष्ठ नेताका रूपमा मनोनित गर्ने विषयमा यसअघि नै सहमति भइसकेको र त्यसलाई औपचारिक रूप दिने प्रक्रियाबारे पनि छलफल भएको स्रोतको दाबी छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रवि लामिछाने र बालेन शाहबीच ४ घण्टा छलफल