हेटौंडा । नेपाल कम्युनिस्ट पार्टी (नेकपा) पुष्पकमल दाहाल प्रचण्ड–माधबकुमार नेपाल समूहकी संसदीय दलकी नेता अष्टलक्ष्मी शाक्यले बाग्मती प्रदेशका सभामुख सानु श्रेष्ठ सम्पर्कविहीन भएको भन्दै उपसभामुख राधिका तामाङलाई विरोध पत्र बुझाएकी छिन् ।

बुधबारका लागि बोलाइएको बागमति प्रदेशसभाको बैठक स्थगित भएपछि नेकपाको प्रचण्ड–नेपाल समूहको संसदीय दलले उपसभामुखलाई विरोध पत्र बुझाएको हो। उपसभामुख तामाङले विरोधपत्र प्रदेशसभाका सचिव कृष्णहरि खड्कालाई दिएकी छिन् ।

विरोधपत्र बुझाएपछि प्रदेशसभा सचिवालयमा पत्रकार सम्मेलन गर्दै प्चण्ड–नेपाल समूह संसदीय दलकी नेतृ शाक्यले मुख्यमन्त्री डोरमणि पौडेल र सभामुख सानु श्रेष्ठको रबैया ठीक नदेखिएको आरोप लगाएकी छिन् ।