काठमाडौं । महानगरीय अपराध महाशाखाले साथीको हत्या गरेर फरार रहेका अभियुक्तलाई काठमाडौंबाट पक्राउ गरेको छ ।

पक्राउ पर्नेमा रामेछापको गोकुलगंगा गाउँपालिका–४ स्थायी घरभई ललितपुर कुमारीपाटी बस्ने ५४ वर्षका भिमे सार्की रहेका छन् ।

२०७१ जेठ ९ धोवीखोलामा दाङको तुल्सीपुर नगरपालिका–१० स्थायी घर भई काठमाडौंको थापागाँउ बस्ने द्रोणबहादुर सेनको हत्या भएको थियो ।

हत्यामा संलग्न भिमे सार्की फरार भई भारतको राजस्थानमा लुकिछिपी बस्दै आएको र पछिल्लो समय काठमाडौंमा लुकीछिपी बसेको गोप्य सूचनाको आधारमा फागुन ५ गते पक्राउ गरिएको महाशाखाले जनाएको छ ।

घटनाबारे महाशाखाले थप अनुसन्धान गरिरहेको जनाएको छ ।