काठमाडौं। सर्वोच्च अदालत परिसरभित्र नै दुई अधिवक्ताबीच हात हालाहाल (कुटाकुट) भएको छ।

अदालत परिसरमा आज दिउँसो अधिवक्ता किरण जोशी र प्रमोद गुप्ताबीच कुटाकुट भएको हो।

सर्वोच्च अदालत र नेपाल बार एशोसिएसनको गेटमा दुई जनाबीच व्यक्तिगत लेनदेनको विषयमा कुटाकुट भएको हो।

गुप्ताले जोशीबाट पाँच वर्षअघि एक लाख रुपैयाँ लिएको र त्यही रकमको विषयमा कुटाकुट भएको खुलेको छ ।

अधिवक्ता जोशीले पैसा मागेपछि दुईबीच हात हालाहाल भएको थियो । जोशीको मुखमा चोट लागेको छ। अधिवक्ता जोशीले पटक पटक पैसा माग्दा पनि गुप्ताले नदिएको बताए ।

‘मिल्ने साथी भनेर पैसा दिएको थिएँ । छोरी पढाउन भनेर मागेको थियो । मुद्दा मामिला केही गरेको छैन । अस्ति नगरपालिकामा भेट्दा पनि भागेको थियो । आज भेट भएर माग्दा झगडा गरेर गयो,’अधिवक्ता जोशीले भने।

घटनापछि चोट लागेका जोशी प्रहरी कहाँ पुगेका छन् भने गुप्ताले भने केही बोल्न चाहेनन्।