काठमाडौँ। सत्तारुढ दल नेपाल कम्युनिष्ट पार्टी (नेकपा) एमालेको स्थायी कमिटीको बैठक आजपनि स्थगित भएको छ ।

प्रधानमन्त्री निवास बालुवाटारमा आज चार बजेलाई बोलाइएको बैठक स्थगित भएको एमाले केन्द्रीय कार्यालयका सचिव शेरबहादुर तामाले जानकारी दिए ।

तामाङका अनुसार बैठक भोलि पुन बस्ने भएको छ। यसअघि पनि गत आइतबारका लागि बोलाइएको बैठक सोमबार हुदै मंगलबार मात्रै बसेको थियो ।

आजको बैठकमा पार्टी एकताका लागि दोस्रो तहका नेताबीच भएका छलफलबारे ब्रिफिङ गर्ने तयारी, बजेट, पार्टी एकता र लुम्बिनी प्रदेशमा भएको राष्ट्यि सभा उपनिर्वाचन लगायतका विषयमा छलफल हुने तयारी थियो ।

यसअघि हिजो (मंगलबार) बसेको बैठकले पार्टी एकताका लागि जोड दिने र हदैसम्मको लचकता अपनाउने निर्णय गरेको थियो।

यद्यपी एमाले एकता टरिसकेको निष्कर्षमा अध्यक्ष ओली र माधव नेपाल दुवै पुगिसकेका छन् । तर, यसअघि स्पष्टिकरण सोधिएका १२ जना नेतालाई कारवाही रोकेर ओलीले नयाँ प्रपन्च रच्दै  उनीहरुलाई आफूतिर ल्याउने प्रयास गरिरहेको बुझिएको छ।