गण्डकीको सरकार ढल्नुमा केपी ओली नै दोषी रहेको पृथ्वीसुब्बाको ठहर

गण्डकीको सरकार ढल्नुमा केपी ओली नै दोषी रहेको पृथ्वीसुब्बाको ठहर

अनलाइन नेपाल
  • आइतबार, जेष्ठ ३० २०७८

  • 3.2K
    SHARES

    गण्डकीको सरकार ढल्नुमा केपी ओली नै दोषी रहेको पृथ्वीसुब्बाको ठहर

    कास्की। गण्डकी प्रदेशका निवर्तमान मुख्यमन्त्री पृथ्वीसुब्बा गुरुङले आफ्नो नेतृत्वको सरकार ढल्नुमा पार्टी अध्यक्ष तथा प्रधानमन्त्री केपि शर्मा ओली नै दोषी रहेको बताएका छन्।

    आज सरकारी निवास छोड्नु अघिको पत्रकार सम्मेलनमा पूर्वमुख्यमन्त्री गुरुङले आफ्नो सरकार ढल्नुमा ओली पनि दोषी रहेको बताएका हुन् ।



    ‘सबै कारण नै ओली हुन त भन्न मिल्दैन। तर, उहाँका पनि कारण चाहिँ हो,’ गुरुङले भने, ‘नेपालमा दुई तिहाईको सरकार सफल हुन नदिने योजना अनुसारको नै काम भइरहेको छ। नेपाली कांग्रेसको दुई तिहाईको सरकाको हालत हेर्नुस् र अहिले नेकपाको सरकारको हालत हेर्नुस्।’

    यस्तै, गुरुङले मुख्यमन्त्रीमा नियुक्त भएका नेपाली कांग्रेका कृष्णचन्द्र नेपाली नेतृत्वको सरकारलाई प्रतिपक्षी दलको नेताका रुपमा सकारात्मक कामका लागि सहयोग गर्न प्रतिवद्ध रहेको बताए ।

    ‘यो सरकार राम्रोसँग चलोस्, लामो समय चलोस्। तर, गठबन्धन सरकारको भविष्य लामो नहुने विगतका उदाहरणले देखाएका छन् । अझ यो सरकार त पदका लागि पूर्व, पश्चिम उत्तर, दक्षिणका दल मिलेर बनेको गठबन्धनको भरमा छ,’ गुरुङले भने, ‘केही तलमाथि हुने बित्तिकै झगडा हुन्छ। त्यसैले अहिले गठबन्धन लामो टिक्ने खालको लाग्दैन, तर लामो समय चलोस् भन्ने चाहना छ।’ उनले भने।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार