एजेन्सी। चीनले जी-७ देशका नेताहरूलाई अबदेखि मुठीभर देशहरूले संसारको भविष्यको निर्णय गर्ने दिनहरू समाप्त भइसकेको चेतावनी दिएको छ।
ब्रिटेनमा धनी राष्ट्रहरूको समूह जी-७ बैठकको क्रममा यसका नेताहरूले चीनलाई शिन्जियाङ क्षेत्रमा मानवअधिकारको सम्मान गर्न र हङकङलाई बढी स्वायत्तता दिन आग्रह गरेसँगै चीनले यस्तो चेतावनी दिएको हो।
त्यस्तै ‘पूर्वी र दक्षिण चीन सागर’ मा पनि एकपक्षीय कारवाही गर्नबाट रोक्न चीनलाई आग्रह गरेका छन् ।
लन्डनमा चिनियाँ दूतावासका प्रवक्ताले भनेका थिए, “हामीले सदैव विश्वास गरेका छौं कि कुनै पनि देश चाहे ठूलो होस् वा सानो, कडा होस् वा कमजोर, गरीब होस् वा धनी, सबै समान छ र विश्वव्यापी मामिला सबै देशले विचार गर्नुपर्दछ। यो हुनु पर्दछ।’
चीनको यो बयान यस्तो बेला आएको छ जब जी-७ का देशले आफूलाई चीनको अगाडि एकजुट हुने प्रयास गर्दैछन्।
जी-७ देशहरूमा क्यानडा, फ्रान्स, जर्मनी, इटली, जापान, बेलायत र अमेरिका सामेल छन्।
बेलायतीको कर्नवालमा आयोजित शिखर सम्मेलनमा अमेरिकी राष्ट्रपति जो बाइडेनले कोरोनापछिको महामारीमा लोकतान्त्रिक देशहरू र तानाशाही प्रणाली भएका देशहरूबीच द्वन्द्वको स्थिति आएको वताएका थिए।
Leave a Reply