जाजरकोट । जिल्लाको जुनिचाँदे गाउँपालिका–२ का वडाध्यक्ष रामबहादुर नेपाली पक्राउ परेका छन् ।
गत साउन १५ गते स्थानीय सर्पे नेपालीलाई दाम्लोले बाँधेर निर्घात कुटपिट गरेकाे आराेपमा उनलाई बिहीबार इलाका प्रहरी कार्यालय पञ्चालाको टोलीले घरबाटै पक्राउ गरेको हो ।
पीडितको बयान, घटनाको प्रकृति र भिडियोलाई आधार मानेर कानुनी कारबाही हुनने जिल्ला प्रहरी कार्यालय जाजरकोटका प्रहरी निरीक्षक खुमानन्द पाण्डेले बताए ।
‘वडा अध्यक्षलाई पक्राउ गरेर ल्याइरहेका छौं, उहाँलाई कानून बमोजिम कारबाही हुन्छ, स्थानीयलाई कुटेको भिडियोका आधार र प्रहरी प्रतिवेदन अनुसार मुद्दा चलाउँछौं,’ प्रहरी निरीक्षक पाण्डेले भने ।
यस्तो थियो घटनाको बिवरण : जाजरकोटमा वडाध्यक्षद्वारा युवालाई दाम्लोले बाँधेर कुटपिट, प्रहरी बेखबर ! (भिडियो)
जाजरकोट जुनिचाँदे गाउँपालिका २ का अध्यक्ष रामबहादुर नेपालीले स्थानीय सर्पे नेपालीलाई कार्यालय परिसरमै कुटपिट गरेका छन् । सामाजिक सुरक्षा भत्ता वितरण गर्ने क्रममा मनोमानी भएको आवाज उठाएका नेपालीलाई वडाध्यक्षलगायतले हातखुट्टा बाँधेर निर्घात कुटपिट गरेका हुन् । pic.twitter.com/n2rHtohuOb
— Bimal Acharya (@bimalchitwan0) August 3, 2021
Leave a Reply