काठमाडौं । बंगलादेशमा जारी एसियन सेन्ट्रल जोन महिला तथा पुरुष च्यालेन्ज भलिबल कपमा नेपाली महिला टोली फाइनलमा पुगेको छ ।

सोमबार सहिद सुरावर्दी कर्भडहलमा भएको प्रतियोगिता अन्तर्गतको आफ्नो चौंथो खेलमा नेपालले कीर्गिस्तानलाई सोझो सेटमा हराउँदै लगातार अपराजित रहँदै फाइनल पुगेको हो।

सुरुआतबाटै दबाब बनाएको नेपालले २५-८, २५-१४, २५-१६ ले खेल आफ्नो पक्षमा पारेको हो । अब, नेपालले उपाधिका लागि भोलि (मंगलबार) उज्वेकिस्तानसँग खेल्नेछ।

जारी प्रतियोगितामा नेपाली टोलीले आफ्नो पहिलो खेलमा श्रीलंकासँग ३-२ को जित निकालेको थियो । त्यस्तै, दोस्रो खेलमा माल्दिभ्स, तेस्रो खेलमा आयोजक बंगलादेश र चौथो खेलमा उज्वेकिस्तानलाई सोझो सेटमा हराएको थियो ।

प्रतियोगितामा साविक विजेता नेपालसहित आयोजक बंगलादेश, श्रीलंका, माल्दिभ्स, उज्वेकिस्तान र किर्गिस्तान गरी ६ टोलीको सहभागिता रहेको छ ।