कास्की । झन्डै एक किलोग्राम अवैध सुनसहित पोखराबाट एक युवक पक्राउ परेका छन्।

पक्राउ पर्नेमा पोखरा महानगरपालिका-१५ रामबजार बस्ने २५ बर्षीय रेशम सुनार रहेका छन्।

सुनारलाई पोखरास्थित पावर हाउसचोकबाट करिब १ किलो बराबरको बिस्कुटको आकारमा रहेको सुन जस्तो देखिने धातुसहित शनिबार राति प्रहरीले पक्राउ गरेको हो ।

प्रहरीका अनुसार काठमाडौंबाट पोखरातर्फ आउँदै गरेको ग.१ ख २९६९ नम्बरको हाइसलाई वडा प्रहरी कार्यालय गंगनगौडाबाट खटिएको प्रहरीले जाँच गर्ने क्रममा उक्त परिमाणको धातुसहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएको छ ।