काठमाडौं । पछिल्लो २४ घण्टामा देशभर थप ३१८ जनामा कोरोना भाइरस (कोभिड–१९) को सङ्क्रमण पुष्टि भएको छ ।

५ हजार ५०८ जनाको कोरोना परीक्षण गर्दा पीसीआर विधिबाट १५१ तथा एन्टिजेन विधिबाट १६७ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार यही अवधिमा थप ५६२ जना निको पनि भएका छन् ।  नेपालमा निको हुने दर ९७.८ प्रतिशत रहेको छ । योसँगै नेपालमा सक्रिय सङ्क्रमितको सङ्ख्या ९ हजार ६७८ पुगेको छ ।

मन्त्रालयका अनुसार पछिल्लो २४ घण्टामा थप १  जनाले ज्यान पनि गुमाएका छन् । नेपालमा हालसम्म ११ हजार ९३१ जनाले ज्यान गुमाइसकेका छन् ।