काठमाडौं । ललितपुरस्थित कोञ्ज्योसोम गाउँपालिका–४ नल्लुमा दुई दिनको शिशुसहित एकै परिवारका पाँच जनाको मृत्यु भएको छ ।

महानगरीय प्रहरी परिसर ललितपुरका अनुसार उनीहरुमध्ये चार जनाको घरभित्रै र एक जनाको उपचारको क्रममा मृत्यु भएको हो ।

मृत्यु हुनेहरुमा ५५ वर्षीया काइँली स्याङ्तान, ९ वर्षीय आशिष, २३ वर्षीया सुषमा, ७ वर्षीय आस्मा र अर्का नाम नखुलेको एक नाबालक रहेका छ्न्। उनीहरु आफ्नै घरभित्र आज बिहान मृत फेला परेका थिए ।

घटनामा गम्भीर घाइते २२ वर्षीय शुभ तामाङको अस्पतालमा उपचार भइरहेको प्रहरीले जनाएको छ । अहिले फरेन्सिक डाक्टरसहितको टोली पनि घटनास्थल जाँदै गरेको प्रहरीले जनाएको छ।