एजेन्सी । भारतमा कोरोना भाइरसको ‘एक्स ई’ भेरियन्टको एक संक्रमित फेला परेको छ।

भारतीय सञ्चारमाध्यमका अनुसार संक्रमित मुम्बईका हुन्। ‘एक्स ई’ ओमिक्रोन भेरियन्टको बिए १ र बिए २ को मिश्रण भएको बताइन्छ।

मंगलबार मुम्बईमा २३० नमूना परीक्षण गरिएको थियो। जसमध्ये २२८ ओमिक्रोनबाट संक्रमित थिए। यस्तै, एकमा ‘एक्स ई’ र अर्कोमा काप्पा भेरियन्ट फेला परेको हो।

‘एक्स ई’ भेरियन्टबाट संक्रमित व्यक्तिमा कुनै गम्भीर लक्षण देखिएको छैन। भारतमा ओमिक्रोन भेरियन्टको प्रभाव डेल्टाको जस्तो देखिएन।