काठमाडौं । रातो मच्छिन्द्रनाथको रथलाई आज लगनखेलबाट जावलाखेल तानिँदैछ ।

रथलाई लगनखेलबाट जावलाखेल तान्नको लागि गएको बिहीवार ज्योतिषहरूले आजको साइत तय गरेका हुन् । बुधवार दिउँसो ४ बजेपछि रथ तान्नको लागि तयारी गरिएको छ ।

आज रथ तान्नको लागि मंगलवार लगनखेलको इति क्षेत्रको सडक मर्मत गरेर पिच गर्ने काम समेत गरिएको छ ।

रथलाई आज लगनखेलबाट जावलाखेल तानिने एक दिनअघि गरिनु पर्ने परम्परा अनुसार मंगलवार बेलुका रथमाथि नरिवल खसालेर चामलको भात पकाएर घुमाएर चढाइएको थियो । आज रथलाई जावलाखेलमा पुर्‍याउन सकेको खण्डमा २१ गते शनिवार भोटो देखाइनेछ ।