एजेन्सी। अमेरिकाले एसिया प्यासिफिक क्षेत्रका देशहरूको समर्थन जुटाएर आफ्नो विरुद्धको वातावरण बनाउन खोजेको चीनले जनाएको छ ।

चीनले बहुपक्षीयताको बहानामा अमेरिकाले यी देशहरूलाई आफ्नो विरुद्धमा गरिरहेको बताएको छ ।

चीनका रक्षामन्त्री जनरल वेई फेङले अमेरिकी रक्षामन्त्री लोयड अस्टिनको भनाइको विरोध गरेका छन्, जसमा उनले ताइवानमाथि चीनले आफ्नो अधिकार दाबी गरेर क्षेत्रमा अस्थिरता सिर्जना गरिरहेको बताएका छन् ।

अस्टिनले इन्डो-प्यासिफिक क्षेत्रका देशहरूसँग बहु-स्तरीय गठबन्धनमा जोड दिएका थिए।

अस्टिनले साङ्ग्रीला संवादमा इन्डो–प्यासिफिक क्षेत्रका देशहरूसँगको सहकार्यलाई मजबुत बनाउने इच्छा व्यक्त गरेका थिए । तर, चीनका रक्षामन्त्रीले अमेरिकाको यो प्रयास आफ्नो देशलाई कुनामा धकेल्न गरिएको बताएका छन् ।

उनले बहुपक्षीयताको नाममा कुनै पनि देशले आफ्नो इच्छा अरु कुनै देशमा थोपाउन नहुने र कसैलाई जबरजस्ती आफ्नो दृष्टिकोण राख्न नहुने बताए ।