काठमाडौं । काठमाडौंसँगको मुख्य नाका नागढुङ्गा–नौबिसे सडक खण्डमा बिहानैदेखि आलोपालोमा गाडी चलिरहेका छन् ।

यो सडक खण्ड अन्तर्गत पात्लेवनमा ठूलो ढुङ्गा खसेकाले सडक एकतर्फी मात्रै खुलेको हो । एकतर्फी मात्रै सडक खुलेकाले आलोपालो गरेर गाडी पास गराइएको प्रहरीले जनाएको छ ।

यो सडक खण्ड भएर दैनिक हजारौँ गाडी चल्ने भएकाले सडकमा सामान्य असर पर्दा पनि लामो जाम हुने गरेको छ । अहिले पनि यो सडकमा गाडीको लामो लाइन लागेको छ ।

यसैबीच, सडकमाथिबाट खसेको ढुङ्गाका कारण काठमाडौं र नुवाकोट चल्ने गाडी पनि रोकिएका छन् ।