एजेन्सी । पाकिस्तानको कराँचीमा एक महिलाले ६ जना बच्चा जन्माएकी छन् । जसमा ४ जना छोरा र २ छोरी छन् । तर, जन्मिएलगत्तै एक छोरीको निधन भएको आजतकले जनाएको छ ।

कराँचीको कालापुलमा बस्ने हिना जाहिदले जिन्ना पोस्ट ग्रेजुएट मेडिकल सेन्टरमा छ बच्चाहरुलाई जन्म दिएकी हुन् । सबै बच्चाहरु विना शल्यक्रिया जन्मिएको चिकित्सकहरुले बताएका छन् । बाँच पाँच बालबालिकाहरु सामान्य र पूर्ण रुपमा स्वस्थ रहेको चिकित्सकहरुले बताएका छन् ।

जिन्ना पोस्ट ग्रेजुएट मेडिकल सेन्टरका निर्देशकका अनुसार जन्मिएका ६ सन्तानमध्ये छोरी जन्मिनेबित्तिकै मृत्यु भएको छ ।

अहिले ५ बालबालिकामध्ये ४ केटा र १ केटी छन् । सास फेर्न गाह्रो भएपछि सबै बालबालिकालाई राष्ट्रिय बाल स्वास्थ्य प्रतिष्ठानमा सारिएको पनि उनले बताए ।