काठमाडौं । संस्कृति, पर्यटन तथा नागरिक उड्डयनमन्त्री जीवनराम श्रेष्ठले मंसिर ४ को निर्वाचनमा प्रतिगमन र अग्रगमनबीच प्रतिस्पर्धा हुने बताएका छन् ।

काठमाडौं निर्वाचन क्षेत्र नं ८’ख’को चुनाव प्रचारप्रसार कार्यालय उद्घाटन गर्दै मन्त्री श्रेष्ठले यस्तो बताएका हुन् ।

मन्त्री श्रेष्ठले प्रतिगमनको खतरा रहेसम्म सत्तारुढ दलहरुबीच रहेको गठबन्धन कायम रहने बताए । यो निर्वाचनमा प्रतिगमन र अग्रगमनबीच कडा प्रतिस्पर्धा हुने बताए ।

विगतको लोकतान्त्रिक आन्दोलनमा सामेल भएका दलबीच गठबन्धन कायम गरिएको भन्दै उनले सत्ता गठबन्धनबीच सहकार्य चुनावपछि पनि जारी रहने दाबी गरे ।

संविधान, लोकतन्त्र र संसदको रक्षाका लागि गठबन्धन बनाएको उनको भनाइ छ ।