काठमाडौं । साफ यू–२० महिला च्याम्पियनसिप फुटबल प्रतियोगिताको उपाधिका लागि नेपालले घरेलु टोलीको सामना गर्दैछ ।

बंगलादेश शीर्ष स्थानमा र नेपाल दोस्रो स्थानमा रहँदै फाइनलमा पुगेका हुन् ।

नेपाल र बंगलादेशबीचको खेल बिहीबार साँझ ५ः४५ बजे ढाकास्थित वीर श्रेष्ठ सहिद सिपाही मुस्तोफा कमल स्टेडियममा सुरु हुनेछ ।

बंगलादेशले राउण्ड रोबिन लिगको अन्तिम खेलमा भुटानलाई पराजित गरेर फाइनमा स्थान बनाएको हो ।

यसअघि मंगलबार भएको खेलमा नेपालले भारतलाई ३–१ गोल अन्तरले पराजित गर्दै फाइनलमा स्थान सुरक्षित गरेको थियो ।