मकवानपुर । बागमती प्रदेशको नीति तथा योजना आयोगका कार्यकारी उपाध्यक्ष होमनाथ चालिसेले पदबाट राजीनामा दिएका छन् ।

गत माघ २४ गते आयोगको उपाध्यक्षमा नियुक्त भएका चालिसेले ४४ दिनमा नै मंगलबार मुख्यमन्त्री समक्ष राजीनामा दिएका हुन् ।

मुख्यमन्त्रीको सचिवालयका अनुसार चालिसेले व्यक्तिगत कारणले पदबाट राजीनामा दिएका हुन् ।

उनी जनसंख्या र बुढ्यौलीविद् हुन् । हाल उनी विश्व स्वास्थ संगठन जेनेभाको स्वस्थ बुढ्यौली शताब्दी कार्यक्रमको विशेषज्ञ सदस्यसमेत हुन् ।