एजेन्सी । पछिल्लो २४ घन्टामा भारतभर १० हजार सात सय ५३ जना कोरोनाका बिरामी थपिएका छन् ।

शुक्रबार ११ हजार एक सय नौ जना बिरामी भेटिएका हुन् ।

गत बिहीबार १० हजार एक सय ५८ जनामा कोभिड–१९ भेटिएको थियो ।

अहिले भारतभर ५३ हजार सात सय २० जना सक्रिय सङ्क्रमित छन् ।

बितेका २४ घन्टामा छ हजार छ सय २८ जना स्वास्थ्य लाभ गरी घर फर्केका भारतको केन्द्रीय स्वास्थ्य मन्त्रालयले जनाएको छ ।

हालसम्म चार करोड ४२ लाख २३ हजार दुई सय ११ जना कोरोनामुक्त भएका छन् ।