काठमाडौं । सत्तासाझेदार नेकपा (एकीकृत समाजवादी) का महासचिव घनश्याम भुसालले सरकारले भ्रष्टाचार काण्डका दोषीहरुलाई कडा कारबाही गर्नुपर्ने बताएका छन् ।

काठमाडौंमा पुष्पलाल स्मृतिको सन्दर्भ पारेर आयोजित ‘समाजवादी यात्राको चुनौतीः भ्रष्टाचार र दण्डहीनता’ विषयक कार्यक्रममा महासचिव भुसालले नक्कली भुटानी शरणार्थी र सुन तस्करी प्रकरणमा संलग्नलाई निर्ममतापुर्वक कारबाही गर्न सरकारलाई सचेत गराएका हुन् ।

भुसालले समाजवादको यात्रालाई ठीक राख्न पार्टी स्वयमलाई भ्रष्टाचार विरोधी बनाउन आवश्यक रहेको औल्याँए ।

उनले समाजवादको यात्रा सुरक्षित गर्न एकजना गृहमन्त्री आएर भाषण गरेर मात्रै केही नहुने भन्दै त्यसको लागि भ्रष्टाचाररहित पार्टी निमार्ण गर्नुपर्नेमा जोड दिए ।

महासचिव भुसालले पार्टीका नेता र कार्यकर्ताहरुले आम्दानीभन्दा बढी उपभोग गर्न लागेमा जति प्रयास गरेपनि समाजवादको ग्यारेन्टी गर्न नसकिने बताए ।