दोलखा । सिन्धुपाल्चोकको खाडीचौरमा जीप दुर्घटना हुँदा दुई जनाको मृत्यु भएको छ ।

गएराति लामोसाँघु जिरी सडक खण्डअर्न्तगत सिन्धुपाल्चोकको ५ किलोनजिकै बा १५ च ९३७० नम्बरको जीप दुर्घटना हुँदा दुई जनाको ज्यान गएको हो ।

दुर्घटनामा जीप चालक उत्तमराज महर्जन र अर्का एक पुरुषको ज्यान गएको जिल्ला प्रहरी कार्यालय सिन्धुपाल्चोकले जनाएको छ । दुर्घटनामा ६ जना गम्भीर घाइते भएका छन् ।

उनीहरूको खाडीचौरस्थित सिन्धु सदाबहार अस्पतालमा उपचार भइरहेको छ । जीप अनियन्त्रित भई सडकबाट ३०० मिटर तल सडकमै खसेको थियो ।