स्याङ्जा । स्याङ्जामा जिप दुर्घटना हुँदा ७ जना घाइते भएका छन् ।

बुटवलबाट स्याङ्जाको कालीगण्डकीको कारीकोट आउदैगरेको ग १ ज ७६०४ नम्बरको जिप दुर्घटनामा परेको हो ।

जिप प्युँघा कालिका मन्दिरनजिक कच्ची सडकबाट करिब ३० मीटर तल खसेको जिल्ला प्रहरी कार्यालय स्याङ्जाले जनाएको छ ।

जिप भीरमा रहेको रुखमा अड्किन पुगेकाले ठूलो दुर्घटनाबाट बचेको छ । घाइतेहरुलाई उपचारका लागि कालीगण्डकी अस्पताल मिर्मीमा लगिएको प्रहरीले जनाएको छ ।

जिपमा आठ जना सवार रहेकोमा एक जना सकुशल रहेको प्रहरीले जनाएको छ ।