काठमाडौं । यातायात व्यवस्था विभागका महानिर्देशक उद्धवप्रसाद रिजालमाथि दुर्व्यवहार भएको छ ।

क्रान्तिकारी युवा संगठनले लाइसेन्स घोटालामा संलग्न भएको आरोप लगाउँदै उनलाई सोमबार कालोमोसो दलेर दुर्व्यवहार गरेको हो ।

पछिल्लो समय लाइसेन्स वितरणमा ठुलो घोटाला भएको विषय बाहिरिएको छ ।

सवारी चालक अनुमतिपत्र वितरणमा अनियमितता गरेको भन्दै क्रान्तिकारी कम्युनिष्ट पार्टीका कार्यकर्ताले दुर्व्यवहार गरेको बताइएको छ । कालोमोसो दल्ने व्यक्तिको खोजी भइरहेको प्रहरीले जनाएको छ ।