सिन्धुली । सिन्धुलीमा शक्तिशाली प्रेसरकुकर बम विस्फोट भएको छ । सुनकोशी गाउँपालिका १ दुम्जा स्थित नेपाल टेलिकमको टावरमा कुकर बम विस्फोट भएको हो । 

जिल्ला प्रहरी कार्यालय सिन्धुलीका अनुसार बम विस्फोटबाट दुम्जामा रहेको विपी पार्क नजिकै रहेको टेलिकमको टावर तथा घरमा क्षति पुगेको छ ।

उक्त स्थानमा शुक्रबार बिहान करिव ३ बजे बम विस्फोट भएको सिन्धुली प्रहरीले जनाएको छ ।

विस्फोट कसले गराएको भन्ने पुष्टि नभए पनि घटना स्थलमा पिपुल विब्रेसन आर्मी लेखेको जनमुक्ती सेना लेखेको पर्चा भेटिएको प्रहरीले जनाएको छ ।

विस्फोट स्थलमा दुईवटा प्रेटोलको बोटलसमेत फेला पारिएको प्रहरीले जनाएको छ ।