काठमाडौँ । काठमाडौँ महानगरपालिका–३ स्थित बाँसबारी छालाजुत्ता कारखानाको १० रोपनी जग्गा निजीकरण गरेको मुद्दामा व्यवसायी वसन्त चौधरीलाई कागज गराइएको छ ।
प्रहरीको केन्द्रीय अनुसन्धान ब्यूरो (सीआईबीले व्यवसायी चौधरीलाई घटना विवरण कागज गराएको हो ।
यसअघि उनका भाइ अरुण चौधरीलाई पक्राउ गरेर अनुसन्धान गरेको सीआईबीले चौधरीलाई पनि घटना विवरण कागज गराएको छ ।
बाँसबारीको जग्गा च्याम्पियन फुटवेयर मार्फत अहिले चाँदबाग रेसिडेन्सी प्रालिमा ल्याइएको छ ।
चौधरी समूहको ३६ लाख लगानीमा सरकारसँगको साझेदारीमा स्थापना गरिएको ‘च्याम्पियन फुटवेयर’ मार्फत १० रोपनी जग्गा व्यापारी अरुण चौधरीले निजीकरण गरेको सीआईबीको अनुसन्धानबाट खुलेको थियो ।
Leave a Reply