पोखरा। पोखराबाट अटोमेटिक पेस्तालसहित डाँका चोरी तथा लागूऔषध मुद्दाका एक अभियुक्त पक्राउ परेका छन् ।

पक्राउ पर्नेमा पोखरा महानगरपालिका–८ सराङकोटका ३८ वर्षीय नरबहादुर विक छन् ।

विकलाई बिहीबार पोखरा महानगरपालिका–२४ लेकसाइडबाट वडा प्रहरी कार्यालय बैदामको टोलीले पक्राउ गरेको हो ।

लेकसाइडस्थित दीपक गिरीको बन्दै गरेको घरमा विकले ९ एमएमको अटोमेटिक पेस्तोल र त्यसमा लाग्ने १ राउण्ड गोली लुकाएर राखेको अवस्थामा बरामद गरिएको कास्की प्रहरीले जनाएको छ ।

बागमती प्रदेश ०३३ प १६३३ नम्बरको मोटरसाइकलसहित पक्राउ परेका विक डाँका चोरी र लागूऔषध मुद्दाका अभियुक्त समेत रहेको पाइएको छ ।