काठमाडौं । वेस्ट इन्डिजले नेपालविरुद्धको तेस्रो टी-२० आई सिरिज अन्तर्राष्ट्रिय खेलमा टस जितेर नेपाललाई पहिले ब्याटिङको निम्तो दिएको छ ।
यूएईको शारजाहमा टस जितेर वेस्ट इन्डिजले नेपाललाई ब्याटिङको निम्तो दिएको हो ।
नेपालको टोलीमा कप्तान रोहित पौडेल, कुशल भुर्तेल, कुशल मल्ल, सन्दीप जोरा, आरिफ शेख, गुलसन झा, लोकेश बम, मोहम्मद आदिल आलम, सोमपाल कामी, करण केसी र शहाब आलम छन् ।
वेस्ट इन्डिजको टोलीको कप्तानी अकिल होसेनले गरिरहेका छन् । टोलीमा करिमा गोरे, काइल मेयर्स, केसी कार्टी, अकिम अगस्टे, विकेटकिपर अमिर जाङ्गू, जेसन होल्डर, फेबियन एलेन, नभिन बिदाइसी, जेडिया ब्लेड्स, र रामोन सिमोन्ड्स समावेश छन् ।