Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
आइतवार , मंसिर १४, २०८२
काठमाडौं । जिल्ला प्रहरी कार्यालय रौतहटमा कार्यरत प्रहरी सहायक निरीक्षक रागनी कुमारी यादव नेपालभरीकै ‘सर्वोत्कृष्ट प्रहरी’ सम्मानबाट सम्मानित भएकी छन् ।
लैंगिक हिंसाविरुद्धको १६ दिने अभियानका अवसरमा आयोजित विशेष कार्यक्रमका बीच नेपाल प्रहरीका महानिरीक्षक (आईजीपी) दानबहादुर कार्कीले यादवलाई ४० हजार रुपैयाँ नगद र प्रशंसापत्रसहित ‘सर्वोत्कृष्ट प्रहरी’ घोषणा गरेका हुन् ।
महिला, बालबालिका तथा ज्येष्ठ नागरिक सेवा केन्द्रको नेतृत्व गरिरहेको यादवले विभागीय नीति–निर्देशनको आदर्श पालनासहित लैंगिक हिंसा न्यूनीकरण र उत्तरदायी प्रहरी सेवा प्रवाहमा उल्लेखनीय भूमिका निर्वाह गरेकाले उनी उत्कृष्ट घोषित भइन् ।
द्वितीय स्थानमा प्रहरी चौकी बालकोट, अर्घाखाँचीमा दरबन्दी भई जिल्ला प्रहरी कार्यालय कपिलवस्तुमा कार्यरत शान्ता खत्री परेकी छन् । उनले ३० हजार रुपैयाँ नगद र सम्मानपत्र प्राप्त गरिन् ।
त्यसैगरी जिल्ला प्रहरी कार्यालय सिन्धुलीकी प्रहरी हवल्दार उमा तामाङ तृतीय घोषित हुँदै २० हजार नगद र प्रशंसापत्रबाट सम्मानित भइन् ।
कार्यक्रममा प्रहरी नायब निरीक्षक पूर्णिमा थापा र प्रहरी सहायक निरीक्षक साजना प्रसाईलाई १०–१० हजार रुपैयाँसहित सान्त्वना पुरस्कार प्रदान गरिएको थियो ।
© 2026 All right reserved to onlinenepal.com
Design & Developed By
