Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
मंगलवार , मंसिर १६, २०८२
काठमाडौं । भदौ २४ गतेको जेनजी आन्दोलनका क्रममा हतियार र कार्यालय जोगाउन नसकेको भन्दै सशस्त्र प्रहरी बलका एक डीएसपीमाथि कारबाही सिफारिस भएको छ ।
आन्तरिक छानबिन गर्न गठित नयाँ बानेश्वरस्थित सुरक्षा बेसका तत्कालीन इन्चार्ज डीएसपी गौतम कुँवरलाई कारबाहीका लागि सिफारिस गरेको हो ।
डीएसपी कुँवर मिनभवन स्थित बेसको प्रमुख हुन् । अहिले उनी नम्बर–२० विपद् उद्धार गण सिनामंगलमा कार्यरत छन् ।
जेनजी प्रदर्शन हुँदा गौतम नेतृत्वको टिमले आफ्नो कमान्डमा रहेको सुरक्षा बेस र हातहतियार जोगाउन नसकेको आन्तरिक छानबिन समितिको आरोप छ ।
भदौ २४ मा प्रदर्शनकारीले मिनभवन स्थित यातायात व्यवस्था कार्यालय र सशस्त्रको बेसमा तोडफोड र आगजनी गरेका थिए । सशस्त्रको बेस यातायात व्यवस्था कार्यालय परिसरमा थियो ।
त्यसबेला उनको कार्यालयमा रहेको १४ थान एसएलआर हतियार लुटपाट र आगजनी भएको थियो । प्रदर्शन सुरु भएलगत्तै उनी हतियार र कार्यालय छाडेर भागेकाले प्रदर्शनकारी सशस्त्रको बेसमा सहजै प्रवेश गरेका थिए ।
भदौ २४ मा बेसबाट हतियार लुटिनु र जल्नुमा ‘सुरक्षा चुक’ देखिएको आन्तरिक छानबिनको निष्कर्ष छ ।
साथै समितिले मिनभवन बेसमा कार्यरत अन्य १३ जना सुरक्षाकर्मीलाई पनि विभागीय कारबाही गर्न सिफारिस गरेको छ ।
अन्य सुरक्षा बेसमा हतियार वा कार्यालयमा क्षति नभएकोले अन्य कमान्डरहरू कारबाही सिफारिसको सूचीमा परेका छैनन्। कारबाही सिफारिस भए पनि कस्तो प्रकारको कारबाही लागू हुने भन्ने विषय अहिले सार्वजनिक गरिएको छैन।
© 2026 All right reserved to onlinenepal.com
Design & Developed By
