Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
शनिवार , पौष १२, २०८२
बाँके । जिल्ला प्रहरी कार्यालय बाँकेले हुन्डी सम्बन्धी अवैध आर्थिक कारोबारको अनुसन्धानका क्रममा राष्ट्रिय जनमत पार्टीका नेता इरफान अहमद शेखलाई पक्राउ गरेको छ ।
प्रहरीले नेता शेखलाई पार्टीको कार्यक्रमका लागि कपिलवस्तु जाँदै गर्दा दाङ जिल्ला, अमिलियाबाट नियन्त्रणमा लिएको हो । प्रहरी नायब उपरीक्षक दिपक पातलीका अनुसार, नेपाल राष्ट्र बैंकको वित्तीय जानकारी इकाईबाट प्राप्त जाहेरीका आधारमा ४० वर्षीय शेखविरुद्ध अनुसन्धान अगाडि बढाइएको छ ।
प्रारम्भिक अनुसन्धानले चार करोड ९२ लाख ८४ हजार २९६ रुपैयाँ बराबरको शङ्कास्पद हुन्डीमार्फत अवैध कारोबार भएको देखाएको प्रहरीले जनाएको छ ।
केवाईसी विवरण र वास्तविक कारोबारबीच ठूलो अन्तर देखिनुले यस गतिविधि मनी लाउन्ड्रिङ (सम्पत्ति शुद्धिकरण) सँग सम्बन्धित हुनसक्ने आशङ्का गरिएको छ । उनीमाथि प्रहरीले थप अनुसन्धान अगाडि बढाएको छ ।
शेख यसअघि जनमत पार्टीमा संलग्न थिए र गत प्रतिनिधिसभा निर्वाचनमा बाँके क्षेत्र नम्बर २ बाट उम्मेदवार बनेका थिए । यसपटक उनले राष्ट्रिय जनमत पार्टी खोलेर त्यही क्षेत्रबाट फेरी उम्मेदवार बन्ने तयारी गरिरहेका थिए ।
© 2026 All right reserved to onlinenepal.com
Design & Developed By
