कालीकोट । आगामी फागुन २१ गते हुने प्रतिनिधिसभा निर्वाचनका लागि नेपाली कम्युनिस्ट पार्टी (नेकपा) कालीकोटले पूर्वप्रधानमन्त्री तथा पार्टीका संयोजक पुष्पकमल दाहाल ‘प्रचण्ड’लाई एकल उम्मेदवारका रूपमा सिफारिस गरेको छ ।
नेकपा कालीकोटका केन्द्रीय सदस्यहरूको बैठकले प्रचण्डलाई प्रतिनिधिसभा सदस्यका लागि एकल उम्मेदवारका रूपमा अघि सारेको हो ।
बैठकले प्रचण्डको नाम सर्वसम्मत रूपमा सिफारिस गरेको नेकपा केन्द्रीय सदस्य प्रकाश रोकायाले जानकारी दिए ।
उनका अनुसार कालीकोट जिल्लाबाट पार्टीको आधिकारिक उम्मेदवारका रूपमा प्रचण्डलाई अघि बढाउने निर्णय गरिएको हो ।