Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , पौष २५, २०८२
एजेन्सी । अमेरिकी सिनेटले राष्ट्रपति डोनाल्ड ट्रम्पलाई कंग्रेसको अनुमति बिना भेनेजुएलाविरुद्ध थप सैन्य कारबाही गर्नबाट रोक्ने प्रस्ताव अघि बढाएको छ।
यसले १०० सदस्यीय सदनमा थप बहसको बाटो खोलेको छ। बिहीबार भएको प्रक्रियागत मतदानमा ५२–४७ मतले यो प्रस्ताव अघि बढेको हो, जसमा केही रिपब्लिकन सिनेटरहरूले सबै डेमोक्र्याटहरूलाई समर्थन गरेका थिए।
गत शनिबार भेनेजुएलाको राजधानी काराकासमा भएको अमेरिकी सैन्य कारबाहीमा राष्ट्रपति निकोलस मादुरोलाई श्रीमतीसहित अपहरण गरेर अमेरिका लगिएको थियो।
समर्थकहरू यो उपाय युद्ध शक्तिमा कंग्रेसको अधिकार पुनः स्थापित गर्ने प्रयास हो भनिरहेका छन्। यसको अन्तिम नतिजा अनिश्चित छ, किनकि यो पूर्ण सिनेट बहसतिर बढिरहेको छ। सदन तथा ह्वाइट हाउसबाट विरोधको सामना गर्न सक्छ।
यो प्रस्ताव अब सिनेटमा पूर्ण बहसमा जानेछ। ट्रम्पको डेस्कमा पुग्न यसलाई कंग्रेसका दुवै सदनले पारित गर्नुपर्छ । त्यसपछि पनि राष्ट्रपतिले प्रस्तावलाई भिटो गर्न सक्छन् ।
मादुरोमाथि न्युयोर्कमा लागूपदार्थ तस्करीसम्बन्धी आरोपमा मुद्दा चलिरहेको छ। उनले आफूमाथि लगाइएका सबै आरोप अस्वीकार गरेका छन्।
© 2026 All right reserved to onlinenepal.com
Design & Developed By
